منتديات شموخ الشقاع
http://im8.gulfup.com/2011-07-31/1312145611961.gif


 
الرئيسيةالرئيسية  البوابة البوابة  اليوميةاليومية  س .و .جس .و .ج  بحـثبحـث  المجموعاتالمجموعات  التسجيلالتسجيل  دخولدخول  تسجيل دخول الاعضاء تسجيل دخول الاعضاء  

شاطر | 
 

 غلاء المهور ... جدآ رائعه ,,

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ياحبنى لك
_____________
_____________



مُساهمةموضوع: غلاء المهور ... جدآ رائعه ,,   الخميس يونيو 10, 2010 7:41 pm

غلاء المهور‎


قصيده رهيبه مرررره




سبحان من يرزق بتوع الملاييـن*** الرازق اللي ما يخيب الرجـا بـه



لي عم عنده معـرضٍ للصواليـن ***أموت واعرف بس من وين جابـه


وإذا سألته قـال بعـت الدكاكيـن***ما يدري إني ما هضمت الإجابـة


الشاهد إني رحت له قبـل يوميـن***في قصره العامـر ودقيـت بابـه


قال أرحب أرحب عدّد ورد البساتين***يا مرحبا باللـي لفـا يـا هلا بـه


قلت البقا عـدّ النفـل والرياحيـن ***يا شيخ شمل أهل الكرم والذرابـه


قال اسلم الله يحفظك لي من العين***وآمر أوامر حضرتـك مستجابـة


قلت الصراحة طالبٍ قرب غاليـن*** ودي تزوجنـي كريمتـك يـابـه


ثنّى وقال أهليـن والله وسهليـن***والكون ترخص لجل عينك رقابـه


لكن ترا عندي شـروط وقوانيـن***قلت اشرط اشرط يا حبيب الغلابـة


قال أولاً مهر العروسـة ثمانيـن***غير الرسوم وغير حق العصابـة


والثانية عمك يبي منـك سبعيـن***رسم الأبـوّة والنسـب والقرابـة


وأم العروسة حقها منـك ستيـن***عشانها ست الحسـن والمهابـة


وإخوانها كلن يبي منـك خمسيـن***عداً ونقـداً تنـدرج فـي حسابـه


وخواتها الخمس عطهن من ثلاثين***عشان تتوثـق عـروق النسابـة


وتجيب طقم عيار واحد وعشرين***وخاتم من الماس المصفى ترابـه


وأكياس متروسة كعوب وفساتيـن***ألوانهـا وأشكالهـا مـا تشابـه


وموتر بسواقـه وفيـلا بدوريـن***أثاثهـا مـن بطرتـه ينحكـى بـه


واحجز لنا قاعة بقصر السلاطيـن***واحجز بهـا رقاصتيـن وربابـه


هذي الشروط اللي على بالي الحين***وذكرني اللي ما حسبنـا حسابـه


قلت اذكر الله يا عـدو المساكيـن***واستغفـره لا يبتلـيـك بعـذابـه


الظاهر إنك منت عارف أنا ميـن ***أنا لو أرقى فـوق متـن السحابـه


ما جبت حتى نص درزن مواعيـن***واضحك بكيفك واعتبرهـا دعابـة


شروطكم هذي شـروط المجانيـن***شروطكم شغـل ابتـزاز ونهابـه


شروطكم تقصم ظهـور البعاريـن***شروطكـم همّـن وغـم وكآبـه


شروطكم والله سيوف وسكاكيـن***تذبح بنات المجتمع مـع شبابـه


وين الرضا والعطف واليسر والليـن***اللي ذكرهـا الله بمحكـم كتابـه


وين الصفات اللي أمرنا بها الديـن **وين اختفى نهج النبي والصحابـة


يا عم جعل اللي خلقنا من الطيـن**يرد عقلك مـن خطـاه لصوابـه


ويجعل نصيبي عند غيرك قل آمين**ويحسن عزا الصابر ويجزل ثوابه


قال أنت لو فكرت تفكير صاحيـن***ما شفت في مجمل شروطي غرابه


حنا بعصـر العولمـة والمزاييـن *** ماهوب عصر الفلسفة والخطابـة


الناس تسعى للرتـب والنياشيـن***وأنت اهتمامك بالشعـر والكتابـة


والشعر ما ينفعك لو هو دواويـن***ما دام جيبك مثـل بيـت الخرابـة


يا بوك لا تسمع كلام المصاخيـن***واسأل مجرب عاش في وسط غابه


قلت الله أكبر يا محـرر فلسطيـن ***من يسمعك يحسبك ذيـب الذيابـه


تراك شايب رأس مالـك رياليـن ***والبنت ما تسوى جنـاح الذبابـة<<< خربت الأخلاق


قال انقلع مالت على وجهك الشين****لا عاد أشوفـك عندنـا يالزلابـه


قلت ابشر أبشر لكن الباب من وين**وأقفيت من عنده على صوت
الرجوع الى أعلى الصفحة اذهب الى الأسفل
شـ العيون ـوق
_____________
_____________
avatar


مُساهمةموضوع: رد: غلاء المهور ... جدآ رائعه ,,   الجمعة يونيو 11, 2010 1:18 pm

يسلمــــــــــــــــــــــــــــــــــــــــــــــــــواا
الرجوع الى أعلى الصفحة اذهب الى الأسفل
الماتدور
_____________
_____________
avatar


مُساهمةموضوع: رد: غلاء المهور ... جدآ رائعه ,,   الخميس يوليو 01, 2010 8:28 am

ههههه


قصيدة جات في الصميم
الرجوع الى أعلى الصفحة اذهب الى الأسفل
فـو فـو الدلوعه
_____________
_____________
avatar

الموقع : في حضن امي

مُساهمةموضوع: رد: غلاء المهور ... جدآ رائعه ,,   الخميس يوليو 01, 2010 7:43 pm

يــــــــــــــــــــــسلمووووووو قلبــــــــو
الرجوع الى أعلى الصفحة اذهب الى الأسفل
 
غلاء المهور ... جدآ رائعه ,,
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شموخ الشقاع  :: المنتديات الادبية :: منتدى القصيد-
انتقل الى: